Të enjten me datë 30.4.2009 në teatrin Migjeni ne kuader të festimeve me rastin e ditëlindjes së Profetit Muhamed, u realizua koncerti “Përjetësisht me ty”. Ky aktivitet i larmishëm me ilahi dhe recitime në shqip, turqisht dhe anglisht u realizua dhe u mbështet nga shoqata turke “Istambul” si dhe Medreseja e Shkodres. Interesi dhe pjesmarrja ishte e jashtzakonshme dhe teatri ishte i tejmbushur qysh para fillimit të aktivitetit. Pas një këndimi të mrekullueshëm të recituesit nga turqia, aktivitetin e përshëndeti kordinatori i shoqatës “Istambul” z. Shuajb Bashan.
Në fjalën e tij z. Bashan theksoi se e gjithë bota islame sot përkujton ditëlindjen e profetit Muhamed, duke përcjellur në mbarë njerëzimin vlerat dhe virtytet sublime të islamit. Më pas aktivitetin e përshëndeti edhe myftiu i Shkodres imam Ndricim Sulejmani. Në fjalën e tij theksoi se gradualisht këto festime po kthehen në një traditë të konsoliduar të popullit shqiptar.Ai gjithashtu theksoi se myftinia e Shkodres ka shtuar dhe mbështetur aktivitetet e ndryshme islame duke krijuar në këtë mënyrë atmosferë të ngrohtë islame , festive duke përcjellur mesazhin e bashkjetesës.Në fund të fjalës së tij myftiu falenderoi shoqatën “Istambul” për kontributin e vazhdueshëm në qytetin e Shkodres.
Aktivitetin gjithashtu e përshëndetën edhe z.Bujar Spahiu përfaqsues i KMSH si dhe z. Rasim Hasanaj drejtor i komitetit të kulteve.
Më pas aktiviteti vazhdoi me larmishmërinë e tij duke ngjallur tek të pranishmit emocione të vecanta pas interpretimeve të mrekullueshme të aktorëve si z. Reshat Arbana artist i popullit, këngëtares së mirnjohur nga Tetova Violeta Kukaj, recituesve nga Kosova dhe Maqedonia, si dhe korit të mrekullueshëm të medresesë.
Më pas aktiviteti u mbyll me urime dhe përqafimet e ngrohta si dhe me shpresën për një të ardhme të ndritur dhe të begatë, si dhe dëshirën për takime të tjera të këtij lloji.
www.myftiniashkoder.org
